بكره جدا

أضيف بواسطة حسام القاضي في قسم شخصي

إنتبه إلى كم السلبية القادم في هذه التدوينة …لكن شرٌ لابد منه

بكره في حياتي اللي يحور عليا …يعني ايه؟؟

يعني يقعد يلف ويدور على حاجه عشان يقنعني ويحاول معايا يمين وشمال ويقولي ده للمصلحة وده احسن

وطبعا انت متأكد انه افضل لك …والكلام اللي بالك فيه

هات من الاخر وقول انك عايزيني اعمل كذا او اتخلى عن كذا

قول بصراحة واقولك موافق او ﻷ

اوقات كتير بوافقك واوافق على الحوار اللي بتعمله عليا عشان اخلص ولان ساعتها بتكون بتقل في نظري كتير

مابحبش وباكره عدم الصراحة

كمان بكره اللي يعمل فيها ياماهنا وياما هناك وفي الاخر هو على قده

عيش على قدك واتصرف على قدك واتعامل في حياتك وشركتك على قدك

عايز تحلم احلم ماشي بس ماتبنيش كل حاجه وتوعد كل اللي حواليك بالحلم ده وتبني آمالهم على هذا الاساس وان الحلم ده واقع حاليا وهو لسه في بالك حلم

بس خلاص

حسام القاضي